Die digitale Landesbibliothek Oberösterreich

Leopold Hermann 
Valiabt. 
Auf oamal is ’s kemma, 
I woas gor nöt wiar, 
Ob i wach’ oder tram, 
I bin ollweil bei »ihr«. 
Und dös is enk a G’schicht, 
Dö da Toifel vasteht: 
Denn sie sagt ma und schwört* 
Dass ’s ihr grad a so geht. 
Ban Ofn. 
I sitz oft ban Ofn, 
Nöt, dass ’s mi so friert, 
Na, weil mi halt ’s Foir 
So viel intaressiert. 
A sieb’n an acht Scheit’ln 
Lögst d’ übaranand, 
A kloans Stückerl Kean: 
Und in d’ Heh’ geht da Brand.. 
Z’erst zing’lt ’s und brass’lt ’s 
Voll Löb’n und voll Muat, 
Aft wird ’s a weng stader — 
Hoass gnua is nu d’ Gluat. 
Sehen langsam, frei trauri, 
Siagst d’ Köhlerln dVaf z’fall’n — 
Und a kloans Häuferl Asch’n 
Bleibt übar va All’n! — —