Die digitale Landesbibliothek Oberösterreich

50 
iniuriam nec pati nec silere potuit, multo minus ab incoepto 
opere desistere. Rem iniquam rursus ad capitaneum detulit, 
qui illuc subornavit aliquot milites pro custodia futuri ali¬ 
cuius novi parochi vel vicarii. Erat tum in monasterio 
professus sacerdos nomine Joh. GrUil. Hellerus, philosophiae 
Magister, vir acris et imperterritus nec non concionandi 
muneri sufficientissimus. 
Is itaque denuo a Rmo. una cum praedicta quardia in 
parochiam pro vicario introductus est, praesentibus duobus 
DD. commissariis N. Sollinger, U. J. doctore, et Magistro 
Nic. Praunfalkio, Domini Lobi secretario. Sed post paucos 
dies civium inquietorum ingens multitudo in ipso coemiterio 
parochiali congregata est, quae cum furore et impetu in¬ 
sano acclamavit, ut unacum sibi adiunctis militibus ex pa¬ 
rochia quantocius discedat, ni velit aliud experiri. Qui intus 
in parochia armati fuere, duas in eos bombardas exonerarunt 
duosque ex tota multitudine laeserunt; alterum quidem 
lethaliter, qui post paucos dies ad manes nigros abivit; 
alter autem eodem anno in suo columbario fulmine ictus 
interiit. Hic incredibile dictu est, quantus clamor quantaque 
vociferatio et seditio fuerit excitata. Hi cum impetu furioso 
in parochiam irrumpere voluere, illi tamen fores ubique 
pessulis et truncis fortissime et arctissime constrinxerant 
et communierant. Interim vigil in turri ecclesiae vexillum 
sanguinis exposuit et pro more incendii ad maiorem cam- 
panam aliquot ictus dedit, ex quo magis magisque seditiosa 
cohors tumultuari et commoveri coepit. Tandem tamen 
senatus interveniens volensque tantam tempestatem pro 
sua authoritate sedare, nihil tamen cum furioso populo 
efficere potuit. Erat inter illos vir magnae prudentiae et 
authoritatis non ita pridem capitaneus Canisae, Jac. Vischer, 
ex senatu quoque urbis capitaneus, de quo infra plura. Hic 
sensim sese iuxta murum capellae usque ad fores parochiae 
protraxit ibique erecto pileo per Dei misericordiam eos, qui 
intus erant, rogavit, ne amplius eiacularentur, se tandem 
id effecturum apud populum, ut et ille conquiescat. Hoc 
impetrato per inferiorem maiorem portam petiit cum sena¬ 
toribus ingressum, se quidem caute id curaturum, ne plebs 
concitata post se involet, quod facile etiam impetravit. Qui 
cum admissi fuissent, una cum reliquis senatoribus illis 
persuasit, ut pro praesenti die et tempore ex parochia dis¬ 
cedant, fore enim ut brevi huc reducantur: populum interea 
iussit quiescere, quod aegre factum est, uti in tali furore 
fieri consuevit. D. itaque vicarius cum omnibus iis, quot¬ 
quot in parochia secum fuere, medius inter senatores usque 
ad crucem extra urbem securus deductus est. Turba in-