Die digitale Landesbibliothek Oberösterreich

— 99 - 
 
Da Mühlviertla vor da Himmelstür. 
(Von Dechant Norbert Hanrieder in Putzleinsdorf). 
 
„Das mecht i gern segn, 
Wias ön Mühlviertla geht, 
Wias a gstorbn is und bettlad 
Vorn Himmelsteor steht!"  
 
Dö Frag han i tan 
Afn Abnd nachn Bier, 
Wo i gern a weng roat't 
Oda a dichtat wir. 
 
I mach mi kumodt 
Und valaß mi af d’ Nacht, 
Wo mi oft schon da Tram 
Aus dö Zweifeln hat bracht. 
 
Nix runders wia das, 
Wann da Mensch gern sinniert 
Und a Tram aft hintnachi 
Eahm d'Wahrhat vorführt! 
 
So geh i ins Bött 
Und roat allweil nu nah: 
Da steht schon leibhafti 
Da Mühlviertla da. 
 
Wia wann ar ön Wochamarkt 
Aufsucha tat, 
So hat a si kloanweis 
Zum Himmelsteor draht. 
 
Langboni und groppat, 
An Fürflöck voran 
Und sein Nagel in Mäul 
Ruckt a kniaschiabat an. 
 
„Da war i halt!" sagt a, 
„Is 's do dö recht Tür? 
„Sads Oes da Herr Petrus? 
„I geh do nöt ier?" 
 
Da Petrus wird schauat, 
Aft schreit a schen laut: 
„,Du bist wohl a Mühlviertla, 
„„Der nöt gern traut?"" 
 
„Nan", „Nan", si da Mühlviertla, 
„Grund habn ma schon: 
„Um uns wird nöt umgschaut, 
„San hautübel dran! 
 
„Dort drunt auf dar Erd 
„San ma z'kurz kema gnua, 
„Drum schauat ma bössar 
„In' Himmel dazua!" 
 
„„Hast Recht,"" sagt da Petrus; 
,,„I woaß schan um Eng; 
„„Bi selm a mol dort gwön, a 
„„Bei mir habts ön Gheng. 
 
„„Wiast awa daher kimmst, 
"" So paßtd nöt für da!"" , „ 
„Zwögn wö?" fragt da Mühlviertla 
„Geht ma was a?" 
 
„„Beilei!"" sagt dä Petrus, 
„„Du bringst ja z'viel her! 
„„Dein Fürflöck, denst tragst, 
„„Brauchst herobn nimma mehr. 
 
„„Und d' Pfeifen, dös raukst, 
„„Wirf na dani, daß 's saust; 
„„Du raukst ja a Kraut, 
„„Daß ön Engeln schan graust! 
 
„„Dein Fürfleck, dein Pfeifen 
„„Und d' Bladern laß da; 
,,„I woaß dar an Arbat, 
„„Der kimmst nu gschwind nah! 
 
„„Hast do amal Wög gmacht 
„„In Mühlviertel ent?"" 
„I Wög gmacht?" sagt der draf, 
Das hat a nöt kennt! — 
 
„„Nan woaßt,"" sagt da Petrus, 
„„Oes Mühlviertla-Leut 
„„Sads fleissi; ban Wögmacha 
„„Faihlts awa weit! 
 
„„Nu ziadarn ma d' Füaß, 
„„Wann i denk an mei Roas: 2) 
„„Dö Wögn, dö i gstiegn bi, 
„„San weit übarn Gspoaß. 
 
„„Dort d' Milchstraßen obn 
„„Braucht a Raparatur 
„„Und d' Mühlviertla müaßn 
""Mar alli dazua. 
 
„„Wannst umikimst, findst 
„„Lauta Landsleut vo drunt, 
Dö habns iatzt schan glernt, 
„„Wia ma d' Wög richten kunnt. 
 
"" A Jahrl muaßt Stoan führn 
„„Und z'schlagn auf da Straß; 
„„Awa kleana wiast moanst — 
„„Dort habns gar a kloans Maß. 
----- 
1) Siehe Mühlviertla-Mahrl ! 
2) Anspielung auf das Mühlvtertla-Mahrl.