Die digitale Landesbibliothek Oberösterreich

5 
batur, quomodo et quando a quibusdam rebellibus provinci¬ 
alibus politicis evangelicis scilicet aut e medio tollerentur 
aut ex coenobiis truderentur vel omnino ex provincia abi¬ 
gerentur. Inter medios lupos his temporibus versari visi 
sunt, nunquam tamen animum deiicientes desperarunt 
scientes bonam causam tandem triumphaturam. Unde 
tandem sub aquila Romana cum divino auxilio rursus 
respirare coeperunt, quando interea foedifragi et duces 
rebellantum patriaeque proditores turpissima fuga ad hostes 
infensissimos Caesaris elapsi sunt et Deum vindicem pro 
suis demeritis habere coeperunt. 
Quis porro audivit, legit aut unquam subnotavit in 
aliquo historico tantam permutationem valoris pecuniae et 
omnium aliarum rerum summam et intolerabilem caritatem, 
ubi quisque pro suo libitu pecuniae valorem auxit et 
pretium rerum ad summum gradum deduxit? Quis de tanta 
penuria victualium in ipsa tamen rerum copia unquam ali¬ 
quid simile intellexit? Quis tantae perturbationis in Ger¬ 
mania ab aliquot centenis saeculis meminit, ubi fere omnes 
provinciae conquassatae, depopulatae et devastatae sunt? 
Quot millia virorum intra triennium vel quatriennium 
gladio ceciderunt! Quot homines fame, inedia, bello, peste, 
moerore et squalore absumpti sunt! Necdum tamen finis 
videtur, nisi Deus pro sua singulari benignitate nobis 
meliora prospici at transmittat que, ita ut merito nobis 
exclamare liceat: 0 tempora, o mores! Et in quae nos, o 
clementissime Deus iustissimusque iudex, tempora afflicta 
reservasti? Quis alia innumera mala et memorabilia facta 
gestaque ennumerare queat? Collegi ego ab anno 1590 
usque ad annum 1622 paucula quaedam et in ordinem 
aliquem redegi, praecipue quae in his locis et vicinioribus 
quibusdam aliis contigere, cum pleniorem cognitionem 
multorum aliorum memorabilium habere nequiverim. Quae 
omnia Rmae. Dominationi Vestrae (utpote harum rerum 
non solum spectatori, siquidem inter amplissimos DD. prae¬ 
latos huius provinciae pro tempore in illa supremi ordinarii 
locum obtinuit et pleraque suo magno incommodo totius 
monasterii et subditorum suorum periculo vidit, audivit et 
experta est) notissima perspectissimaque sunt. Haec porro 
collectanea, sive quo alio nomine diaria nominem, Rev. 
Dominationi Vestrae pro multis in me beneficiis paternis 
humillime offerre complacuit cum submissa animi contestatione 
et obsecratione, quatenus non tam opusculum et ipsum 
collectorem, quam rei veritatem, varietatem et maximas 
permutationes suspicere et quasi admirari dignetur, ut tum 
Rev. Dominatio Vestra in ea ipsa tempora incidit, in quibus 
haec pleraque et in ipsa hac provincia domoque quasi propria