Die digitale Landesbibliothek Oberösterreich

75 
ledigen mit ainem annderen, das dem gleich sey, doch mit Willen 
des Abbts und der Brueder, die zu denselben zeytten sein, gantz 
und gar, und was Zu dem benanten dorff gehörtt, und die zinslewt 
daselbs das akchern und pawen sullen, als sy vor gethan habenk 
Auch haben wir geben die Veld und wismad, das da hayst peten- 
pach, das ich selb von dem hewttigen tag ausgezaigt und gemaricht 
hab, das da ist von dem Zuppfenprunn unntzt an das wasser, das 
da hayst dy Albern, von den selben ennden gegen den mittentag 
under des pergs, der da hayst warminch und zwischen des Wassers, 
genant die Albern, untzt an unnsre Marich, das ist auf die pirig, 
zu irem nutz Zu waid dem Viech und räwten und pawen sullen an 
mäniklichs wider sprechen. Auch geben wir das erdreich, das da hayst 
Eberstal, das da ausgezaigt und gemaricht habent durich das geschafft 
des obristen Fursten Tassilonis Salucho, Wenilo und Gaerprecht, und 
von dem selben wald zu der vorgemelten stat mugen sy zu paw 
pringen, als vil sy wellend an alle wider Red und Irrung. Auch geben 
wir zu Aschach zwen Weingärtten und zu Rotula drey und als vil 
Weintzurlen und zwen pein maister und sechs Smid und pey der 
Albern zwen Vischer und zu1) Albempurk den kirichleichen zynns 
und was daselbs gevallen mag, hab ich mit aller gerechtikayt, di ich 
da gehabt hab, geben zu dem vorgemelten gotzhaus. Auch zu gleicher 
weys die kirichen Im Sultzpach und alles, das darzue gehört, haben 
wir zu dem gotzhaus verliehen. Auch des geleichen geben wir all 
kirich zynns und zehent von den kirichen Norfilusa. Auch zu Reichen- 
hall geben wir ainen menschen, der das Saltz sewdt, zu dem benanten 
gotzhaus. Auf den forsten geben wir in gemain der wayd allem irem 
viech völligklich an allen ennden, wo sy darauf treyben wellent, an 
alles widersprechen. Zu1) Grunsfuert ainen Rewtter mit dem rechten 
Zynns. ¡Die dasing allew, die wir vorgemelt und geschriben haben 
an alleh steten, gantz und gar, hewser, guetter, knecht, dirrn, Zynns- 
lewt, und was derselbn ist anligkunds und vorunds, gepawts und 
ungepawts, gäw, wismad, Vellder, Wald, die wasser mit allen iren 
flussen und alles, das darzue2) gehört, gib und bestät ich zu der vor¬ 
gemelten erwirdigen stat, und von dem hewttigen tag und hinfur 
albeg da stät und Unverkert beleihen sol. Welliche aber person wider 
den brief unnser gab tun wolt, die khöm in den zorn des Almächt-, 
tigen gots und hab tail mit Juda, dem Verräter, und ursach mit dem 
heyligen hayland Ihesu christo, und dennoch soll der gegenburttig 
0 Hs. zw 
2) Hs. darzii