Die digitale Landesbibliothek Oberösterreich

3. 
Unsä Pedärnlippel is ä Gsöll, — 
S' Foppen gfreut den Käärl*) wia dä wöll. 
Aussitipfelt hat äs ä schan fein: 
Knödlwirtin, heunt gehst ein! 
Hat schan göstärn gar koan Zeit väsämt, 
Hoamli d' Oar ihr saubä wöggägrämt; 
Alssä gsottni hat äs wiedä bracht 
Und sein Plän schen hoamli gmacht. 
D' Knödlwirtin macht si zschasfen glei, 
Hat ja d' Oar wia sunst in Öck hibei, — 
Tuscht an öttlä Päärl fruadi zsamm: 
„Jessäs, was dö Oar heunt Halm!" 
Wieda glangts um öttlä hin ins Öck, 
Aufschlagn will sie 's glei in oanä Röck: 
„Nan, Frau Wirtin!" schreits dä Lippel au, 
„Hungärn thuat uns weidä schan!" 
D' Knödelwirtin hat koan Wärtel gsagt, 
Widär hats oan Oar ums anä packt; 
Oans wias anär is halt föst statt len, — 
Knödlwirtin, — das wird schen! 
Endli is dös ganzi Kerbel läär, 
Nettär is. 's, wia wanns ihr anthän wär; 
Nach und nach geht ihr ä Lichtet äs, 
Däss sie 's gfoppt habnt brav! 
„ Lumpengsindel",schreits, „ iatzt fahrts mära!" 
D' Oar dö fösten sausts eahr ä nu nah; 
D' Mannä sän mitsammt'n Lippel grennt, — 
S' Kochä hat für heunt än Endt! 
*) Käärl = Kerl. 
Herrgott, lass 
s' braun wern! 
Bän Burgär und Baurn 
Und kann nu ä Zeit 
Übä d' Ewigkeit daurn! 
Vo wen ä gen stammt, 
Is dö wenigä Röd: 
Mä nimmt 'n halt zleign. 
Ob ä pässt odä nöt! 
„Herrgott, lass s' braun Wern!" 
Herst dort und Herst da 
Und demselbing, ders zerst hat gjagt, 
Fragt neambd mehr nah! 
Wer is 's denn aft gwön? 
Wird mäs gar nimmär inn? 
Nan, — dämits nöt vägössen wird: 
— D' Knödlwirtin! 
Sie hätt si ämal, 
Än Kaffee gern vägunnt 
Und steht schan bän Ofen 
Ä vier ä fünf Stund. 
Ihr Obers hats glicht schan, 
On Zugä dänöbn 
Und wölln si nu allweil 
Dö Bahnä nöt göbn! 
Sie feindt in Gedankär 
On Kramä schan an; 
Als hätt är ihr Stoanl 
Stacks Bahnär einthan! 
Aft wiedä wirds hoatzät, 
Stiert um in dä Gluat; 
Denn ä Hoffnung hats doh, 
Däss 's ös nuamal thuat! 
Und 's Wassär in Pfändl 
Hat bredelt und töbt