Die digitale Landesbibliothek Oberösterreich

(88) 
Alls schaut auf den närrischen 
Gast bei dä Thür 
Und d' Kellnärin sötzt eahm 
Schan wiedär oans vür. 
Väliabt schaut ä s Glas an 
Und trinkts wiedä läär; — 
Ön Wirt und ön Gösten 
Wird s Herz völli schwär. 
„Dös Bier, wann mä hiat 
„Bei där Arbät, u mein!" 
Fangt wiedä dä Sepp an, 
„Dös gangät mär ein! 
„I brauchät koan Kost 
„Und välangät koan Lahn; 
„Und hängät den ganzen Tag 
„Alliweil dran!" 
Dä Wirt is välögn 
Und sein Gwissen wird laut; 
Schiar mitleidi hat ä 
Zum Wöbä hingschant. 
„Sepp!" sagt a „i Hans schan 
„Dä Kellnärin gstöckt; 
„Dö bringt där iatzt oans, 
„Was dä nu mehrä schmöckt! 
„Laß d' Kreuzer in Sack, 
„Denn dös kriagst iatzten drein; 
„Und wann di nu dürst, 
„Schenkts där nu ämal ein! 
Hiatzt kimts mit dä Halbi 
Und stöllts auf n Tisch; 
Goldrein is's und Pflämi 
Und anzäpft is frisch. 
Dä Wöbä hats angschaut, 
Und langsam probiert; 
Hat abä koan Äugn 
Und koan Fingä nöt grührt. 
Und endli wirds läär, 
Denn er laßt st däweil; 
Iatzt winkt ä dä Kellnärin 
Selbä nöt faul. 
Dö bringt eahms schan wiedä 
Und stöllts auf n Tisch, 
Und wiedär ä guats is's 
Und wiedä schen frisch! 
Dä Wöbä schaut wiedä, 
Er kost und probiert. 
Hat wiedä koan Äugn 
Und koan Fingä nöt grührt. 
„Sepp!" sagt iatzt dä Wirt, 
„Bist ä saubärnä Gsöll! 
„Zerst lobst mär ön Hoanzel 
„Und geinst wiadawöll! 
„Ast gib i dä selbär 
„Ä Paar Halbi dräf 
„A Mörza's, — da geht dä 
„Koan Mäul gar nöt äs! 
«„Meints Herr!"" sagt dä Sepp 
Und er glanzt schan um d' Schnalln; 
„„Mein Antwort wä leicht, 
„„Awä kunnt eng nöt gfalln!"" 
„När aussä damit!" 
Sagn dö Göst und dä Wirt: 
„Zwö hast denn zerst geint 
„Und aft s Mäul nimmä grührt?" 
„„Nan, wißts"", sagt dä Wöbä, 
„„Dä Hoanzel is schlecht; 
„„So schlecht, daß n käm wo 
,,„Ä Roßluadä mecht. 
„„Und zahln han i'n müaßen 
„„Um s sündtheuri Geld; — 
„ „Da muaß i'n ja geinä 
„„Um Alls in dä Welt!"" 
„Zwö geinst denn dös zweiti nöt?" 
Sagt aft dä Wirt — 
Und guat hat mäs kennt, 
Daß n d' Antwort schan irrt! 
„„Dös Zweit?"" sagt dä Wöbä 
Und richt si äs d' Bahn 
„„Das steht äs mein Lobn 
„„Und mein Geinä nöt an! 
„„Bänöthn hats dös Erst, 
„„Denn das is ja koan Bier 
„„Da muaß mä sis geinä 
„„Und macht si was vür!"" 
„Du Lump!" schreit dä Wirt 
„Mach die schleuni dävan!" 
„„Nan, Nan!"" sagt da Sepp 
Und kehrt nu ämal an. 
,,„J muaß nu was geinä 
„„Ast ziag i mi grad; 
„„Das is da Herr Wirt, 
„„Ders äm nethärn nu hat; 
„„Und höb i eng auffi, 
„„Bis übän grean Klee, 
„„So steigt do dä Hoanzel 
„„Mit auffi in d' Heh! 
,,„Ös selm säds dä Hoanzel 
„„Und liegts mär in Magn; 
„„Dö Göst da sän Zeugnschaft, — 
„„Mehr han i nöt zsagn!"" 
Iatzt is ä dahin gwön 
Und Zeit hat ä ghabt; 
Dä Wirt hätt n bal 
Bei dä Thür nu dätappt.