Die digitale Landesbibliothek Oberösterreich

5UY 
CVIII. 
8. I. 1343 am io. Jänner. 
Aus dem Originale zu Wilhering. 
Seibot der Sweinpech stiftet sich einen Jahrtag zu Wilhering an seiner 
Grabstätte mit 21 Pfund Pfenninge. 
' Ich Seybot der Sweinpech vergich offenleich an di- 
sen brief alle den, di in sehent oder horent lesen, daz 
ich z* der zeit, do ich ez wol getuen möcht, ab meiner 
sei vnd ab meiner Hauzvroun sei vnd ab aller meiner 
vordem sei geschaft han ainz vnd zwaintzk pfunt alter 
wienner pfenning, der ich acht pfunt verricht han, den 
erbern gaistlichen Hern Vnd dem Gotzhauz ze Wilhering, 
da ich mein begrebnvzze erwelt han, swenn got vber 
mich gepeut vnd han daz getan mit der beschaidenhait, 
daz man vmb sechzehen pfunt chauften schol ein phunt 
gelt^, da sol man meinen jartag von begen alle jar dez 
freitags vor aller Heiligen tag mit missen vnd mit yigilie 
nach irz Ordenz gewonhait vnd dez selben tags sol man 
di Samnung trösten mit vischen vnd mit weizzen proet z 
swenn auch ich stirbe inner lantz, so schulen st mich ne- 
men mit irem wagen vnd fver ehest, di st ze meiner be- 
grebnvsse habend, schaf ich in dre pfunt vnd fver opfer 
vnd wachs zwai pfunt, daz werdent ainz vnd zwaintzk 
pfunt. Der selben pfenning sol ich in noch drevzehen 
pfunt vnd schol sev der veren vnd richten inner iarz 
vrist. Sturb aber ich in der zeit, so sehvlen mein naechst 
vrevnt die drevzehen pfunt richten von meinen pfaerif- 
ten (sic) vnd von meinem harnasch vnd von ander meiner 
hab. Daz diz red vnd diz andacht staet vnd vnzebrochen 
beleih , dar vber gib ich in disen brief versigelt mit mei¬ 
nem anhangunden jnsigel. Der brief ist gegeben nach 
Christ gepurt tavsent iar vnd drev hundert iar, dar nach 
in dem drei vnd vierzigstem iar , dez naechsten vreitags 
nach dem prehen tag. 
Orig. Perg. Das Hangende Siegel unkenntlich.