Die digitale Landesbibliothek Oberösterreich

13 
Submissa uoce ad summum altare defertur ibi dicta oracione: 
Deus qui hodierna die unigenitum. 
In uisitatione sepulcri iterato tercio responsorio fit sollempnis 
processio cum luminibus ad sepulchrum. 
R. Cum transisset sabbatum, Maria Magdalene et Maria Jacobi 
et Salome emerunt aromata, ut uenientes ungerent Jesum. Aeuia, aeuia. 
Sint parati VI in ornatu cuilibet competenti, unus in persona 
angeli, duo in figura apostolorum, tres in specie Marie. Stacione 
autem facta circa sepulchrum procedat angelus ad caput sepidchri 
cantante choro antiphonam: 
Sedit angelus ad sepulchrum Domini stola claritatis coopertus, 
uidentes eum mulieres, nimio terrore perterrite astiterunt a longe. 
Deinde procedunt apostoli ad locum aptum cantante choro: 
Virtute magna reddebant apostoli testimonium resurrectionis Jesu 
Christi domini nostri. Aeuia, aeuia. 
Tandem Marie tres procedunt cum thuribulis cantante choro 
responsorium: Maria Magdalene et altera Maria ibant diluculo ad 
monumentum. Jesus quem queritis, non est hic, surrexit sicut locutus 
est, precedit uos in Galyleam, ibi eum uidebitis. Aeuia, aeuia. 
Quo finito Marie uenientes ad sepulchrum stantes contra angelum 
cantent antiphonam: Quis reuoluet nobis lapidem ab hostio monumenti? 
Angelus respondit:' N olite expauescere, Jesum queritis Nazarenum 
crucifixum, surrexit, non est hic. 
Hic discooperiatur sepulchrum: Ecce locus ubi posuerunt eum, 
sed ite, dicite discipulis eius et Petro, quia precedet uos in Galyleam, 
ibi eum uidebitis sicut dixit uobis. 
Tunc Marie redeuntes a sepidchro ad apostolos. Antiphona: Ad 
monumentum uenimus gementes, angelum domini sedentem uidimus 
et dicentem, quia surrexit Jesus. 
Tunc querent apostoli cantando antiphonam: Dic nobis Maria, 
quid uidisti in uia? 
Respondent Marie. Antiphona: En angeli aspectum uidimus et 
responsum eius audiuimus; nam testatur dominum uiuere, sic opportet 
te, Symon, credere. 
Dic nobis Maria quid uidisti in uia? 
Galyleam omnes adibitis, ibi Jesum uiuum uidebitis, quem post 
mortem uiuum non uidimus, ibidem uisuros credimus. 
Iterum apostoli: Dic nobis Maria. 
Ut prius respondet: Sepulchrum Christi uiuentis et gloriam 
uidi resurgentis, angelicos testes, sudarium et uestes. 
Surrexit Christus spes mea, precedet suos in Galyleam.