Die digitale Landesbibliothek Oberösterreich

  
vronboten zwelif. 54. Swelch gast eins Bürgaer tohter nimt, der 
hat Bürchreht und ist nieman niht dar umb schuldikch. 
Dise saetze haben wir gesetzet nah rat. Doh swoz dar an ze 
chrieg wirt, daz behalten wir uns, daz wir daz leuttaern und beschaiden; 
da wellen wir mit rat zu legen und da von nemen, swoz wir ervaren, 
daz uns, der Stat und unsaern Bürgaern nutz und güt ist, da fride 
und gnade von chomen makch. 
Des sint geziuge: Her Gotfrid der Tumbrobst, Her Woliger der 
Techent, Her Seibot von Tannberch, Her Ulrich von Steyr, Her Mingoz 
von waldekk, Maister engelschalch, Her Leutolt von Schounberch, Graf 
Eberhart von wartstain, Her Janss von Breising, Her Hainrich von 
Golnitz, Her Alber von Morspach, Maister Otto der Setzaer, Maister 
Herolt, Her Gebhart von walsee, Her Hainrich von Cholhaimen, Her 
wernhart von Brampach: unser Chorherren; Her Hainrich von Radekk, 
Her ülrich von Wolfgersdorf, Her Hainrich von Voltchensdorf, Her 
Hainrich von Lonsdorf, Her Ruger von Hutte: unser dienstman; Her 
Ulrich, der Graf von Furstenekk, Dietmar von aistershaimen, Minhalbn 
von Watzmansdorf, Aeschpin von Hage, Pilgreim der Schenkch: unser 
ritter Und ander biderb Leutt. 
Ditz ist geschehen datz Pazzow, do von Christes geburde worn 
Tusent Jar Driuhundert Jar an ein halbez, An unser Vrowen tag der 
Erorn. 
55. Wir setzen ouh hin zu mit guter gwizzen: Swer gevangen wirt 
umb gulte oder umb ander sache, die an den tot niht engent, dem 
sol man siner phenning noh sıns gwantez niht nemmen, man sol ez 
antwriten in des gerihts gwalt, daz der gevangen dem KRihtaer sin 
wandel und den geltaern da von vergelten mug. 56. Iz sol dehain 
Bürgaer umb dehain inziht an der Schrann in dehainen banden ant- 
wurten, man entsliezz!) in e. 
Diser Brief ist gegeben ze Pazzow des tags und des Jars, als 
vor geschriben ist. Dar uber haben wir disen Brief zu einer urchund 
und zu einer bestaetigung versigelt mit unsaerm Insigel und mit 
unsers Capitels Insigel. 
') In der Urkunde: enstliezz, verschrieben für entsliezz. 
23 177