Die digitale Landesbibliothek Oberösterreich

194 
iuris utriusque Doctor, vir doctus et eximiis 
talentis praeditus, postquam explevit in vita hu¬ 
mana annos 56, in regimine abbatiali 10 annos et sex 
menses, longiori vita, in his praesertim periculosis cir¬ 
cumstantiis pro clero regulari et universim pro exstingu¬ 
endis omnibus monasteriis dignissimus. 
Causa mortis non fuisset humano modo (si ipsius 
vires et corporis constitutionem velimus considerare) 
necessaria, sed erat catarrhus ordinarius, cui facile 
potuisset parari remedium, si non se ipsum neglexisset 
bonus abbas, catarrhum hunc flocci pendens et sine adhi¬ 
bito remedio plus insto futurae sanitati confidens. — 
Gravatus catarrho abiit Lincium, ubi hoc tempore 
fors et alii convenerunt ad consultationes consuetas 
DD. Austriae praesules. Sed Lincii adveniens statim 
lecto fuit affixus, nullum tamen consuluit medicum, 
nullum adhibuit medium, sed absque ullo peracto Lincii 
negotio rursus cum catarrho iam deterior factus per 
asperrimas vias ad monasterium reversus et lecto affixus 
fuit. Vocatus quidem e Salisburgo medicus periculum 
aperuit et subsistere voluit, at bonus praelatus pericu¬ 
lum non agnoscens medicum Salisburgum remisit, qui 
tamen P. Priori et conventui suasit, ut (nisi infirmitas 
notabiliter decrescat) omnibus extremis provideretur. 
Factum id etiam fuit, quia iam catarrhus iste desinebat 
in gangraenam pulmonum et altera die iterum evocatus 
medicus (nimirum 26. Aprilis) sed et hora 4. pomeri- 
diana adveniens iam agonizantem invenit et hora V. 
exspiravit, 
Decennale regimen huius boni praesulis Oppor¬ 
tuni fuit aerumnis et summis afflictionibus plenum. — 
Post 6 menses a sua electione completos totum oppidum 
Mondsee cum notabili parte monasterii et ecclesiae 
(9. Maii 1774) conflagravit. 
Secuta sunt alia infortunia, furta, rapinae, inun¬ 
dationes aquarum et insignis villa cum magno peco¬ 
rum selectissimorum numero ex fulgure in cineres abiit 
non sine multorum florenorum millium damno. Ast 
forte haec fuissent adhuc toleranda. Sed accesserunt