Marktfreiheiten.
834
iarmarkt dez suntags nach sand Giligentag sol man keyne zöl
geben vnd sol ydermann dyselb zeit zolfrei sein an all geuerde.
Auch ob daz were, daz eyns eehalt oder ymand anders, wer daz
were, in der vorgeschriben freyung oder sust in dem iare eynem
icht entrüeg oder Stele, daz hinder sechs Schilling pfennig wert
were, den mögen dy burger in dem markte darumb strafen mit
orn absneiden, durch dy zennd prennen, mit äugen ansprechen
oder auf den pranger seczen nach gewonheit ander vnser stete vnd
markte. Hett er aber gelt oder gut zegeben, so sol vns daz bessern
nach vnsers pflegers daselbs vnd der vorgenanten vnserer burger
rat. Wer auch, daz eyn burger hincz dem andern zu Eyed ichts
ze sprechen hett von geltschult wegen oder daz eyn er mit dem
andern in recht stund, dafür sol dy vorgeschriben vnser gnade vnd
freyung nymants helfen. Hett auch eyn ausmann oder eyn gast
hincz eynem burger zu E y e d ichts ze sprechen, der sol daz recht
suchen in dem burgfriden für den markt-richter vnd den bürgern
daselbs. Dezgleichen sol eyn burger dem andern auch also thun,
ez weren denn sach, dy erb vnd eigen antreten. Darumb sol man.
das recht suchen in dem gerichte, da grünt vnd podem innegelegen
ist. Item wer aber, daz ymand hincz eynem burger zu Eyed in
vnsern vnd in andern gerichten klagte vmb erb vnd eigen, dazselbe
recht mögen sy zyhen vnd nemen für vnser thor gein Eyed, als
ander vnser stete oder markte thun. Auch sol keyn tafern vmb
den vorgenanten vnsern markt sein noch aufgehaben werden in
eyner meil wegs ausgenomen dy rechten etafern, dy von alter her
gewesen sint vnd zu vnser pflege gein Eyed gehörend. Wir haben
auch den vorgenanten vnsern bürgern zu Eyed dy besunder gnade
gethan, wacz sy holczs zu dem gotshaws dez heilgen herren
sant Peters zu Eyed, zu torren vnd brugken, zu slachten für
dy graben vnd sust den markt zu bevesten bedürfen, daz sy daz ab
vnserm forst dem Eyed nemen mögen, doch mit rat vnd mit wissen
vnseres pflegers daselbs. Sy sullen auch in demselben forste den
gesuch mit der weyde haben und gemessen, als von alter herkomen
ist, vngeuerlich. Dar zu geben wir den vorgenanten vnsern bürgern
zu Eyed alle dy gnade, rechte, freyung vnd gewonheit als vnser
stat zu Landshut vnd ander vnser stete vnd markte haben vnd
gebieten allen vnsern pflegern, richtern, amptlewten, steten vnd
markten vnd allen vnsern vndertan, die yczo sind oder hernach
werdent, vesticlich vnd ernstlich, daz sy dy vorgenanten vnser
