Marktfreiheiten.
833
nucz vnd frumen vnd haben mit guter wissen vnd willen vnd
zeitigem rate vnserer rete vnsern lieben getrewen, den bürgern
vnd hindersessen in vnserm markte zuRyed vnd allen iren nacli-
komen vnd demselben vnserm markte zu besserung vnd zunemen,
gnade, freyung vnd recht gethan vnd gegeben, thun vnd geben yn
dy in crafft dez briefs in der mass, als hernach geschoben steet:
zum ersten als sy eynen gewonlichen iarmarkt haben alle iar auf
sant Peter vnd Paulstag in dem sumer, daz zu demselben iarmarkt
freyung sein sol vyrzehen tag vor vnd vyrzehen tag hinnach, dy
von allermennlich gehalten werden sol bey solichen penen vnd
geseczen, als hernach geschoben steent: Item würd ymant in der
vorgeschoben freyung erslagen vnd entleibt, begreift man den oder
dy, dy an dem totslag schuldig weren, so sol eyn tod gein dem
andern geen. Wer auch den andern wundet, wy sich daz fliegt,
dem sol eyn hant abgeslagen werden. Wil er aber dy hant
behalten vnd ledigen, so sol er geben zwey vnd dreihsig pfunt
Pfennig vnseres lands werunge, dy halb vns vnd halb zu dem vor
genanten vnsern markte gefallen sullen an alle gnade vnd abgang.
Wer auch eynen in der freyung wirft, wy sich daz fuegt, dem
sol man dy hant abslagen. Wil er aber dy hant losen, so sol er
geben zwey vnd dreissig pfunt pfennig, dy halb vns vnd halb zu
vnserm Markte gefallen sullen in vorgeschobnem masse. Item
wer in der freyung walken zukt oder eynen mit der fawst shleckt
oder rawfet, dem sol dy hant abgeslagen werden. Wil er dy
ledigen, so sol er geben zehen pfunt pfennig, dy halb vns vnd
halb zu vnserm markte gefallen sullen, als vorgeschoben steet.
Item wer eynem verbotne wort mitteilt vnd übel handelt, den so]
man darum pessern auf dem pranger. Were er dez aber wert, so
sol er geben fünf pfunt pfennig, dy halb vns vnd halb zu vnserem
markte gefallen sullen in vorgeschobner masse. Vnd der obge-
schribnen gesecze vnd pene wellen wir noch sullen der nymants
vertragen noch keyn gnade darinne thun vnd sol auch nymants
dafür gemessen keynerlei gnade oder freyung, wy dy genant weren
oder gesein mochten. Auch als sy eynen iarmarkt alle iar auf
den nehsten suntag nach sand Giligentag, da sullen sy. dy abge
schoben freyung mit den geseczen vnd penen haben acht tag vor
vnd acht tag hinnach in aller mass, als zu sand Peter vnd Pauls,
tag. Man sol auch zu dem iarmarkt auf sand Peter vnd Pauls,
tag den zol geben, als von alter herkamen ist, vnd zu dem andern
53
