ich das sy all mueterliche treu eriness und bedennkh meine kinder bey der erstn meiner*
elichen hausfraun fraun Margretn sälign geporn von Potendorff und zuvoran vor allen
dingen mein und ire kinder die ich eelich bey ir hab, sovill an ir gesein mag und kann,
ob sy den willen möcht haben wittib zubeleibn ob ich mit tod vor ir abgee, do got lanng
vor sey, das sy dyselbn baiderlay meine kinder mueterlich bedennkh, so schaff ich’ernnstlich
mit allen meinenn hindern, das sy sy für ir mueter treulichen haltn und erkennen, so
hat sy ir Verschreibung zu solliem irm beruebten leben und gemach iren wittib stuel
auf meinem haus in der Freinstat unnd anngerpeundt im purckfrid daselbs gelegen nach
allem irem fueg und gevallen des benantn haus dy behaussung mit allen gemachen vor
mänigklichem an meiner erbn irrung zenutzen, des sy nu nach innhalt ires heyratbriefs
mein freundtn und irn freundtn pillich zuvoran mich angesehen vervollgen sol, ausdem
irm heyratbrief der meniger stugk gueter und zechennt nachhennt bey der Freinstat
gelegn sind, dy man ir berueblich in ir haus antburtn mag; dartzue sol man ir antburtn
ir zymlich wein für irn mund und für ain guetn irn gepornen freundt der, sich zu zeitn
zu ir möcht fuegn und dartzue ain suma gelts zu sannd Jorgntag und zu sannd Michelstag,
alsdann dy leut umb dy Freinstat gesessn zu den selbn zwain tägn statlich und auf
schub diennen. Item das hallspanndt mit ettue menig häfftlein, das sy bisher in irer
gewaltt mir und ir zu eren tragn hat, schaff ich ob sy eehafft nott anstiess, das sy
meinen und iren kindern eitern unnd jüngern das halbs auf das geleichlichist geschätzt
werd, was das werd ist umb gelt abtzulössen gebn sol und das selb gelt mag sy als
dann zu der vorbenanten irer eehafftn nott nutzn an mänigklichs irrung und der annder
halb tail des bemelten halspanndt sol an irrung herwider auf unnser baider kinder ge¬
fallen, vonn dann es körnen ist, damit das halspanndt untzeryssen und ungetaillt bey
meiner sunen ainem beleih mug. Item besunder hat sy ledige häfftl, dy sullen meiner
hausfraun allain nachvolgen. Item ich schaff ir auch besonnder und des willen der lieb, so
ich zu ir hab dardurch ir destweniger eehaffte nott erstenn müg fünff hundert phund
phennig, dy sullen ir mein ellter zwenn sun dy zeit als vor antzogn ist dy gewer zum
Weinperg habn aus meinem gewelb dartzue sy dann dy gewer im geschloss emphahen
werden, als dy rechtn mein natürlichen erben in ir gewaltsam freuntlich entrichtn, da¬
entgegn ir heyratbrief nach laut der neuen beredung, so in ainer quotemer nach meinem
abganngk durch unnser beder tail freundt ains mit dem annderm übergebn und freuntlich
beschehen sol, weiter kainerlay irr zwischn inn erstenn müg und das mein geschafft bey
vollign krefftn beleih, das ist gänntzlich und aygenklich mein will. Item ich schaff ir
auch Silber assich und silberloffel, das ir gepiirlich zu prauhen ist vergoldts und unver-
goldts ungeverlich zechenn markhsilber suar zu hausrat. Item ich schaff ir auch auf
geordenter sechs person, dreu pett mit irn zugehörungn und sechs gemaine pett mit irn
zugehörungn auf diennstleut, wenn sy albeg den jungen kindern muessen kochen zue-
tragn und sy als mueter versehe grosser erwachssen. Item ich schaff* ir zechenn zynn-
schüssl grösser und klainer, auch tischtuecher und tisch, sovil sy ir in meinem haus in
der Freinstat zu den kynndern bedorff oder ob sy zum Weinperg beleibn wolt, das war
mir das liebist, so mag sy mein begrebnuss erraichen untzt doch dy bericht in der quotemer
enndt nymbt unnd alles begeenn verget, dartzue ich ir und irn junckhfraun schaff zu
opher gelt und durch gotzwillen zu geben durch meiner seil haill willen zwayunddreyssigk
phund phennig. Item meinem swager herrn Pernnhartn von Polhaim zu Warttnburg
schaff ich der grossem ubergoltn kopff ainen der zween sein damit er vleys hab, mein
und seiner swester kinder geholffig sey ainen zuverordnen zu priester werde innhalt
meins geschäffts, hat er des nicht vleiys, so wirt er das verantburtn. Ich schaff im auch
den grabn zellter mit der ratn hliifft auf den purgundischn polstersatl dy ich mir het
zue richtn lassen über lanndt zereitn, wenn er reyt auch gern faull und das rey.. sch
