Die digitale Landesbibliothek Oberösterreich

demselben von Georgi biß auff Michaelis / daselbs Kain mangl 
erschein / unnd damit solche Ordnung hierinn statlich gehalten 
werden müg / sollen allen Pierprewen in unsern Stetn unnd 
Märcktn / jre Preukeßl durch die obrigkeit ains jeden orts ver- 
petschafit werden / Wo sich aber zutrueg / das auß zufallenden 
Ursachen / in dem Summerpier ain abgang erscheinen / und 
etlich Prewen pier sieden wolten / Soll deßhalber an ainern jeden 
ort / die obrigkait ersuecht und solcher mangl angezaigt werden / 
Und sich solcher also mangl und ursach erfunden / dardurch ain 
Obrigkeit ainem oder mer Prewen zusieden für nottdürfftig und 
gut ansehen unns erlauben wurden / Sollen doch die Pierprewen / 
solch newgesottn Pier / dem Winterpier gleich / wie obsteet / 
schencken. 
Achter Articul: Vom Pier so wochenlich zugesotten 
wirdet. 
Als auch an vil orten das Pier / so ainer verkaufft oder auß- 
schenckt / nit auff ain mal / sonder wochenlich zugesotn wirt / 
deßhalber auch zu solchem Pier / desto weniger zeygs von nöten 
ist / So soll dasselb / neben dem Winterpier gesetzt / unnd nit' 
höher außgegeben / oder geschenckt werden. 
Neunter Articul: Was für stuck zum Pier gebraucht 
werden sollen. 
Es soll auch bey entsetzung des Preuamts / zu jedem Pier 
kain ander stuck / dann allain Gerstn / Hopffen und 
Wasser genommen und gebraucht / Auch zu jeder Sommer 
und Winterzeit / dem Pier sein gebürliche sud und kielung 
geben werden. 
Zehnter Articul: Wie die Bschawer erwölt werden 
und pflicht thuen sollen. 
Ainleffter Articul: Kain pier unbeschawt und unge¬ 
setzt außzeschenken. 
Weiter so ordnen Wir / das kain Prew ainich vaß Pier auff- 
thu / es sey dann durch die verordnetn Beschawt und gesetzt / 
und der satz des piers an ain tafel / die außwendig an der 
thür hengen soll / durch die Beschawer verzaichnet / unnd alß- 
dann soll der Pierprew solch in demselben werd und nit höher 
außschencken. 
Zwölf fter Articul: Von handhabung diser Pierord¬ 
nung. 
Damit auch dise Pierordnung allenthalben desto fleißiger und 
mit mererm ernst volnzogen werde / so sollen alle Pierprewen / 
die sich des Pierprewens gebrauchen / jrer Obrigkait an aids 
statt järliche pflicht thun / solche Ordnung stracks zuhalten / so 
lang wir kain änderung darin fürnemen noch machen. 
162