Seitdem 's mit Bombn und Pistoln, 
Dös Wanznland vagreßan wolln. 
Sö mechtn übn d' Donau kema 
Und si van Estarreich was nehm«, 
Weil dort nix is so fest beinand 
Daß 's nöt leicht fallat ausanand. 
Im Konak hab'ns recht föst sinnirt, 
Wia ma's am bösfan macha wird; 
Da Kini is daweil nach Nifch 
Stad obi in sei Sumafrisch, 
Und hat ön Tandl gsagt: „Mein Sohn, 
Mach du was d' willst, i fahr davon; 
Mi hat mei Volk schon damisch z'rütt, 
I trau mi nöt, i tua nöt mit. 
Laß nur die Zeitunga fest werkn, 
Dö wern das Kinireich schon störkn." 
Da Xandl moant: „I kanns net richtn, 
I bin no z'bled für solche Gschichten, 
Ruaft si ön Obmann der Obrana, 
Und sogt: „ÖS sads dö rechtn Mana, 
Machts ös was wöllt's, ös hobts mein Sögn 
Macht's ös öbn schneidi und vawögn 
Und is dös Zeugl ganz vafahrn, 
Der Zar wird dösmal a nöt sparn, 
Der leicht ins fünf a sechs Kosakn, 
Da wern mir Estreich niederprackn, 
Daß 's nimm« aufsteht, hob die Ehr, 
In vierzehn Tagn wissn ma mehr." 
Was gschegn is, brauch i nöt vazöhln, 
Ös wißt es eh; was dö Ham wölln, 
Is ausgführt worn, ön Ferdinand 
Und d' Frau habns umbracht mitanand, 
Danach habns toan, als wanns nix wüßten, 
Do hoamli aber lasiens rüstn. 
Ön Putnik gfallt dö Gschicht net recht, 
Weil er net gor gern mittoan möcht. 
Nach Gleichenberg is a gschwind ganga, 
Dort kinnans 'n am leichtan fanga;