8 
Bruder mit grosser Reuerenz vnd erbietung der Churfürsten 
vnd Stend des heiligen Reichs zusamen khumen sein, mit den 
sich Ir Maj. etlich Tag bissher aller Ir baider Sachen vnd 
Noturfft treulichen besprochen vnd vnderredt, auch in heysein 
des Künig von Hungern Potschafft die Hochzeit abgeredt, das 
Ir Maj. Bruders vnd Frauen Anna Künigin von Hungern vnd 
Behemb hochzeit auf Suntag Trinitatis zu Linz, vnd die vber- 
antwortung Ir Maj. Schwester vngeuerlich vierzehn tag darnach 
zu Prespurg beschehen soll. 
Künig Ferdinand, damallen Erzherzog khumht gen Linz den 
fünfundzwanzigsten May vnd mit Ir Maj. Erzbischoff Mathes von 
Salzburg Cardinal, Bischoff Bernhard von Trient, Bischoff Ernst 
von Passau, der von Laibach, vnd Chrembsee, Herzog Ludwig 
von Bairn, die drei Brüder Marggrauen von Brandenburg, Marg- 
graf Casimir, Johann vnd Georgen, welcher des Künigs von 
Hungern Potschafft war, cum Ambrosio Sarcano Barone, und 
dann auch der Kaiserlich Orator Herr Andre de Burgo, darauf 
die Hochzeit eruolgt, vnd etlich Tag mit grossen vnd Künig- 
lichen pracht, auch allerlay Turnier Teutsch : vnd Burgaueri 
scher Art nach, gehalten worden. Gleich zu denselben mahl 
und bei den angeregten gehaltnen Turnier, hat ain fürnemer 
Spanier an Ir Maj. hof, die teutschen hochveracht, sich mit 
einen herrn- oder Rittersmann vmb leib vnd leben zukhempfen, 
angebotten, auch darüber an das Rathaus ain Cartel ange 
schlagen. Als sich aber aus bedenkhlichen vrsachen, damit 
die hochzeitliche Freud nit mer dadurch perturbirt, kheiner 
so bald gefunden, bat sich gedachter Spanier noch mit mer 
verächtlichen Worten wider die Teutschen hören lassen* Darauf 
sich zwen herrn Sebastian von Losenstain vnd ain berr von 
Hochenberg angemeld, vnd waren miteinander strittig, welcher 
den khampf vertretten soll. Darauf die sach entschieden worden, 
wail der Spanier das im Land ob der Enns gered, das herr 
von Losenstain, als ain herr von Losenstain vnd Land ob der 
Enser vertaitigen soll. Darauf sich baide taill aines tags ver