164 
21. 
Mei Briafäl war förti, 
langmechti und rar, 
ja, wann nur dös Briafäl 
schan fortgschickt gwön wär! 
Mei Müattäl is krank glögn, 
grad z' Weihnachtn woars, 
da Han i vor Angst schiar 
vägößn am Gspoaß. 
Jatzt geht's wieda bössä 
und 's Müattäl is äf, 
da kimmt Dei liabs Wünschäl, 
u mein, Du bist bräv! 
Mein liabä Herr Pfarrä, 
Du machst mär ä Freud, 
vägelt Där's Gott zöhnmal 
für ewigö Zeit! 
Beim Briaf, den i gschriebn Han, 
is 's Wünsch! däbei, 
der kimmt gwiß äf d' Wochä, 
wann nöt hiazn glei. 
Gelt, wart'st mä halt nettä 
ä paar Tag nu zua, 
da kriagst aft zän Lösn 
nägrad häufti gnua. 
I dank Dä halt herzli 
fürs Wünschäl, was D' gschriebn, 
mir wär stattn Glück 
schan bal 's Unglück da bliebn. 
Drum iatzt bin i lusti, 
denn 's Müattäl geht um, 
und geht's ä nöt draußtn, 
so gehts in dä Stubn. 
Und wannst äs aft hoamsuachst, 
o mein, dös wird's gfreun, 
so liab wia dä Berti 
kann koanä mehr sein! 
Urfahr, 1. Jänner 1896. 
22. 
Heunt han i Där halt fleißi gschriebn 
und bin nöt d' Antwort schuldi bliebn 
wia Du, söchs Wochä odä siebn. 
Du tuast Di iatzt ganz neidi stölln, 
mein Briaf müßt heunt schiar na dä Ölln 
und bei den Dein kannst d' Zeilnä zöhln.