D. Murtino, suo consanguineo, petitus per aliquot annos in 
Cellis BMV. officium procuratoris gessit, ad monasterium 
Garstense amplius non est reversus, sed in Nova Civitate 
circiter annum 1614 morbo ungarico correptus extinctus est. 
Mense Dec. huius anni quaedam Domina, uxor cuius¬ 
dam reguli Styrii, D. de Stainach, cum viro suo in domo 
Galliculorum aliquamdiu morans media nocte non sine sin¬ 
gulari Dei vindicta per trabem concussa extincta est. Audiit 
enim una cum viro crepitum aliquem trabium, propter quod 
exterrita a viro petiit, quatenus lumen accenderet. Hac in 
re maritus illi obsecundans pro lumine abivit, interim aliquot 
trabes propter nimiam cariem corruerunt caputque illius 
recte intra aures contuderunt, quae statim contrita est, 
antequam vir cum lumine accesserat. Multum hic Stainachius 
apud D. parochum ipsumque Rmum. institit et laboravit, 
quatenus in coemiterio Fidlberg sepeliretur communemque 
pulsum habere queat in eductione. At hoc neque prece 
neque pretio obtinere potuit idque maxime hanc ob cau¬ 
sam, quod fuerit haereticissima multaque valde opprobriosa 
contra catholicam religionem saepe effutisset. Imo quoties 
pulsum Campanarum in parochia audivit, aures prae ira 
obstruxit, ne idololatricum sonum perciperet. Indigna ergo 
iudicata est illo Campanarum pulsu. Quare cum magno 
maerore mariti ad parochiam in Stain in ipsa ecclesia con- 
sepulta est. Brevi post maritus Styra discessit. Domus autem 
illa post hanc cladem in melius restaurata est. 
Circa haec tempora campanae maiores in monasterio 
per expertum magistrum huius rei omnes transsuspensae 
sunt, ne ex continuo pulsu, dum malleus iisdem in locis 
campanas diverberaret, eas tandem dissilire faceret: hoc 
autem transsuspensione facile praeventum est, quin etiam 
postmodum multo clarius sonare creditae sunt. 
1607. 
7. Ian. Paulus Traunerus, vir literatus et doctus, in 
iudicem Styrensem electus est. Commissarii Caesarei, scilicet 
D. Rupertus Hcigemniiller, U. J. Dr., Caes Maj. consiliarius 
et pro tempore superioris Austriae vicecapitaneus, et D. 
Vitas Spindlerus, etiam U. J. Dr., consiliarius Caesareus et 
salinarum supremus praefectus, huic electioni interfuere. Ad 
eandem electionem Rmus. abbas Garstensis Ioannes Guiliel- 
mus, ut vicinus D. praelatus, honoris ergo advocatus fuit. 
Consulis officium penes Colm. Domingerum remansit, sicuti 
Tod der 
Frau von 
Steinach. 
Die Glocken 
in Garsten. 
Gemeinde¬ 
wahlen in 
Steyr.