Die digitale Landesbibliothek Oberösterreich

Von der Complerion xxvs 
Junge hüner seint alle wegẽ gůt / 
sie machen rein blůt / vnnd seind 
krancken lüten gůt. Capponẽ eins 
iars alt / seind temperierter com / 
plexion / leichter doͤwung / machen 
gůte füchte. 
Alte Capponen die seind heiß 
vñ trucken / harter doͤwung / aber 
gůtter narũg. Hanẽ seind warm 
vnd truncken / die brü dauon lin/ 
det vnd loͤset vff die verstopffung 
Auicen des bauchs / es ist harter doͤwung 
vnnd starcker narung. Auicenna 
spricht das hanen fleisch nimmer 
besser sey / dan ee er gekraͤet hat / a 
ber alt hanen sein nit ggdßät. 
Taubẽ fleisch ist ser heisser com⸗ 
plexion / doch seind die iungen nit 
boͤß / sunders leichter doͤwung / a⸗ 
ver die alten seint harter doͤwung 
vᷣstopffen den leib / vñ bringen vil 
schaden denẽ die da habẽ schmertz 
en in den gleichen / als das Poda⸗ 
gra· Auch so spucht Rabi Mey⸗ 
ses das die taubẽ in hitzigen lüten 
fast machen die roten colera über/ 
hand nemen. Turteltauben seind 
nit doͤwtg aber gůt in gstalt einer 
artzeny für die flüß des bauchs/ 
sunst sollẽ sie nit genützt werden. 
Dañ fürwar ich habe vil lüt gese 
hen die sich kranck darã habẽ gees 
sen / darũb laß sie faren. Genß vñ 
Enten haben fleisch warm vnnd 
trucken / vnd in sunders sagen et⸗ 
lich / das kein fleisch sey das so boͤß 
vberflüssige hitz hab als die enten 
Sie gebẽ grobe narũg / seint hart 
Zzuerdouwẽe / beschwerẽ den magẽ 
Madent auch ser dẽ haupt / mach 
enc offt boͤse feber vnd lebersůcht. 
Aebhuner/ haselhüner sein ge⸗ 
Rabi. 
temperierter complexion / leichter 
doͤwũg / gebẽ gůt fücht / stercken dẽ 
menschẽ. Vñ in sunders so sie nit 
zů alt seind vñ feißt. Deßgleichen 
thůt auch der fasant. Wachtelen 
seind warm vñ truckẽ ir fleisch ist 
nit nütz / macht offt den krampff / 
doch seind sie besser wan sie iung 
seind / vnd mit dem Habich oder 
Sperber gefangẽ. Pfauwẽ fleisch 
ist allẽ menschẽ schad / in gestalt ð 
speiß. Aber wol in maß einer artz⸗/ 
ny dienet es zů etlichen sachẽ/ aber 
sũst ist es gar grob / gibt boͤß füch 
te / danõ der mesch leichtlich kranck 
wirt. Des gleichen thůnt auch die 
wilden holtz tauben. Krenchen / 
Stoꝛckẽ / Reiger/Schwanẽ / sein 
harter doͤwung / geben boͤß blůt/ 
seint nit gůt denẽ die müssig gont 
aber die arbeitẽ moͤgẽ sie wol essen 
on schadẽ. Kromatuoͤgel / amseln 
Trosteln / Ziemer / seint warm vñ 
trucken senfft / sein gůter doͤwung 
gůts blůts. Doch seind sie nit als 
nütz dẽ kranckẽ als dẽ gsundẽ. Cleĩ 
voͤgel / finckẽ / meisen / vñ ð gleichẽ 
seint senfft / warm vñ fücht⸗ leich/ 
ter vʒerung / allẽ mẽschẽ gůt. Aber 
die spatzẽ 84 nit gůt / wan sie sein 
ser hitzig vñ entzůndent dz geblüt 
lassen sich auch nit gern doͤwen . 
Hon den glidern der thierer· 
J 4 
Etzunt wilich 
dir sagen von den teilen 
derthierer/was comple⸗/ 
Lrion sie seind / vnd was 
wirckung. Aber dech soltu merck 
en als sie zů speiße genützt werdẽ/ 
nit als die glider der lebendigen 
thierer seind. Vnd zů dem ersten⸗