38
Hutter parochiam concredidit regendam, sed frustra. E monachis nostris
saeculo XVI. c. a. 1568 fr. Thomas Hofbauer, c. a. 1584 fr. Thomas Maurer
et dein fr. Andreas Plank, saec. XVII. fr. Stephanus Ganser (1636—1668)
et fr. Maurus Finkenzeller (1668—1677) parochiam administrarunt. Sacellum
S1 Pancratii carta indulgentiarum teste a. 1471 jam constructum causae
monasterium Zwettlense inter et nos de jure ibidem oblata percipiendi diu
agitatae ansa fuit.
****) Locus Neukirchen primo c. a. 1070 nominatur ibique ecclesiam
jam tunc exstitisse, nomen ipsum probat. Inde iterum a. 1363 in documentis
nostris parochia Niunkirchen occurrit, A. 1469 coemeterium et capellani
domus memorantur. Zecha Si Stephani ibidem a. 1471 praedium superius
in Aming comparavit. — Aichkirchen idem ac locus Eicha prope Lam-
bach c. a. 1130 primum memoratur. In cartis nostris parochia et Zecha
S* Petri una cum domo sacellani a. 1473 occurrit. — Saeculo XVI. haeresi
in utroque vicariatu jam grassante c. a. 1540 Kylianus Martini, professus
antea Garstensis, apostata, 1586—1588 Wolfgangus Cellerarius Thurnaviensis,
antea Offenhusii cooperator, denique usque ad a. 1613 Ferdinandus Klein
utriusque vicariatus praedicator nominatur. Nobiles de Joerger in Koppach
haeresi addictissimi advocatiam loci illius nec non jus praedicatores insti¬
tuendi sibi arrogarunt.
XLIII. 1678. Severinus Blass.
(Electus 4. Nov. mitra decoratus a. 1679, 1. Maj.)
Antea philosophiae in universitate Salisburgensi professor,
consiliarius caesareus mox denominatus est. Nihil antiquius duxit
nisi ut in omnibus vestigia antecessoris premeret. In testimonium
tenerrimae in B. M. V. pietatis sacellum exstruxit Lauretanum a.
1682 prorsus ad veram sacrarii hujus faciem adaptatum, indulgen¬
tiis a. 1687 et ejusdem tituli sodalitate a. 1689 insignitum ibique
a. 1690, 8. Sept. primam missam celebravit, a. demum 1697 B. V.
imaginem Poetschensem, donum Cardinalis de Collonitz, et vexil¬
lum Turcicum ab Eugenio, principe Sabaudiae, oblatum collocavit.
Ambitum novum veteri dejecto a. 1682 aedificavit, sacello Lauretano
oratoria duo, cryptae sacellum capituli imposuit idque pictura et
opere gypsato a. 1686 illustravit; in sacello cryptae a. 1688 novum
baptisterium e marmore candido fieri ibique sepulturam fratrum
lapide posito renovari voluit. Sacra supellectile large adaucta
reliquiis S1 Juliani in tumbam cum imagine pectorali argenteam
a. 1686 reconditis addidit reliquias S1 Felicis M. proprii, ut dicunt,
