Die digitale Landesbibliothek Oberösterreich

24 
mentum ab imperatore Friderico III. a. 1492 obtinuit, cujus vi 
omnes monasterio subditi in causis omnibus, quamtumvis enor¬ 
mibus, nec criminalibus quidem exceptis, ab omni judicio extraneo 
liberi et immunes, soli abbatis jurisdictioni subjecti per monasterii 
judicem legum sat gnarum judicarentur: quam immunitatem cum 
omnibus aliis monasterii privilegiis a. 1494 imperator Maximi- 
lianus confirmavit. Obiit denique vir vere pius ac providus pater- 
familias a. 1504, 24. Maji. Lapis sepulcralis ad portam ecclesiae 
modernae ambitum versus antiquissimum est omnium, qui adhuc 
nobis relicti sunt. 
*) Praeter ecclesiam claustralem et parochialem etiam sacella B. M. 
Magdalenae in Mornpach (a. 1481), S. Blasii in horreo (a. 1492, 1496, 1497) 
et S. Elisabeth ecclesiae claustrali annexum (1476, 1492) indulgentiis 
donatae sunt. 
**) A. 1476 e. g. IY tributa bellica exceptis consuetis, a. 1477 unum, 
a. 1478 unum sub titulo novo prioribus longe gravius exigebantur. 
***) Homo nobilis natu, Leonardus Sachs, cui serviebat castrum 
Almeck, monasterium hostili aggressus incursu globo defensoris cujusdam 
e monasterio subditis confectus occubuit a. 1479. Inde magnus clamor; 
monasterium vero ipsum anniversarium invasori suo in ecclesia Steinkirchen 
fundare, quique vim vi repulit, iter sacrum Bomam facere debuit. 
XXX. 1504. Wolfgangus I. Glazinger 
— Bruschio teste — vir grandaevus mense Junio mox 
successit, quin triennii sui regiminis vestigia exstarent. Obiit 
jam a. 1507., 24. Dec. sepultusque est in ambitu. 
XXXI. 1507. Paulus Graff, 
Deggendorfius, antea sacerdos Ratisbonensis, a. 1487 professus, 
c. a. 1501 prior et postea plebanus hujus loci, — vir in litteris 
optime versatus. Subsellia in choro fabricari fecit, elegans 
refectorium et museum aedificavit. Scholam monasterii tunc ad¬ 
huc valde floruisse, libri latini classici, opera rhetorica, codices 
grammatici et epistolares (non sine argumentis historicis) adprime 
probant. Obiit a. 1514, 6. Martii.