Die digitale Landesbibliothek Oberösterreich

12 
12. Mart. vita decessit. Mense Octobri e. a. fratrum consensu 
successit 
XV. 1286. Conradus I. 
„ Amatoris fratrum “ nomine ob eximiam charitatem insig¬ 
nitus a. 1287 pro audientibus sermones ad populum a se faciendos 
per fr. Bonifacium, episcopum Tynensem, gratias accepit spiritu¬ 
ales; eodem anno advocatiae libertatem per Albertum, Austriae 
ducem, renovatam obtinuit et a. 1289 duo monasterii horrea, 
inferius in Etzling, „pro salis usibus perfruendis"*) cuidam Hen- 
rico Stechner ad dies vitae hoc contulit pacto, ut excepto censu 
annuo VI tal. Vien. den. omni hebdomade IV salis cuppae mo¬ 
nasterio praeberentur et vasa vindemialia autumni tempore Chrem- 
sam deducerentur. E vivis discessit Conradus regimine 5 annorum 
et 3 mensium expleto a. 1291. 
*) Prima haec est in documentis nostris de re salina notitia. Salis, 
qui tunc Lambacum usque jumentis vehebatur, tributum vi juris telonei 
antiquissimi monasterii fuisse videtur. 
XVI. 1291. Christanus. 
Vir humilitate praeclarus cujus in testimonium titulum sibi 
vindicavit „Dei misericordia indigens abbas “, juxta tumulum beati 
Adalberonis altare S1 Spiritus*) et in crypta ecclesiae annexa altare 
secundum SS. VV. MM. Catharinae et Margarethae erigi et per 
Behiardum, episcopum Pataviensem, a. 1299 mense Augusto con¬ 
secrari fecit. Idem episcopus — mandante synodo provinciali Salis- 
burgensi (a. 1274) — omnes usque tunc ecclesiae concessas indul¬ 
gentias revisit renovavitque a. 1298 et 1301 seclusis illis per 
Philippum, electum Salisburgensem Archiepiscopum et episcopum 
Churensem nec non pro cotidie missam audientibus induitis. Qui¬ 
bus gratiis amplissimae indulgentiarum litterae per IV archiepi- 
scopos et IX episcopos Romae tempore Jubilaei a. 1300 concessae 
salva episcopi dioecesani adprobatione accesserunt. Obiit Chri¬ 
stanus teste necrologio Admontensi a. 1302, 26. Jan. 
*) In indulgentiarum litteris altari S* Spiritus affixis haec ad finem 
legebantur: „Omnibus hanc litteram legentibus damus scire, quod in eodem