Die digitale Landesbibliothek Oberösterreich

8 
Ös schautn da Wirt an — 
ös schaun in eahm d' Göst 
und denkt si an iads: 
der planiert^) si heunt föst! 
Das is ja a Hoanzel, 
ma siagts ja in Glas, 
und was sunst nu zsammrinnt 
ban Bodn untan Faß. 
„Oan Halbi wa gnua 
für an Wöbar, i woaß's!" 
sagt iatzten da Sepp, 
„awa heut is's halt hoaß! 
Und 's Bier is so guat, 
daß i nu oani trink; 
i glaub, daß i do 
dö paar Kreuza zsammbring!" 
Alls schaut auf den narrischen 
Gast bei da Tür, 
und d' Kellnarin sötzt eahm 
schan wiedar oans vür. 
Baliabt schaut a's Glas an 
und trinkts wieda laar; — 
ön Wirt und ön Gösten 
wird 's Herz völli schwär. 
„Dös Bier wann ma hiatH 
bei dar Arbat, u mein!" 
fangt wieda da Sepp an, 
„dös gangat mar ein! 
I brauchat koan Kost 
und valangat koan Lahn, 
und hängat den ganzen Tag 
alliweil dran!" 
Da Wirt is valögn 
und sein Gwissen wird laut; 
schiar mitleidi hat a 
zun Wöba hingschaut. 
„Sepp!" sagt a, „i Hans schan 
da Kellnarin gstöckt; 
dö bringt dar iatzt oans, 
was da nu mehra schmückt! 
Laß d' Kreuzer in Sack, 
denn dös kriagst iatzten drein: 
und wann di nu dürst, 
schenkts da nu amal ein!" 
Iatzt kimmts mit da Halbi 
und stöllts auf 'n Tisch; 
goldrein is's und pflami 
und anzapft is frisch. 
Da Wöba hats angschaut 
und langsam probiert; 
hat aba koan Äugn 
und koan Finga nöt grührt. 
Und endli wirds laar, 
denn er laßt si dawei?); 
iatzt winkt a da Kellnarin, 
selba nöt faul. 
Dö bringt eahms schan wieda 
und stöllts auf'n Tisch, 
und wiedar a guats is's 
und wieda schen frisch! 
Da Wöba schaut wieda, 
er kost und probiert, 
hat wieda koan Äugn 
und koan Finga nöt grührt. 
*) Planieren — sich täuschen. 
5) Daweil — nimmt sich Zeit. 
-) H i a t — hätte.