Die digitale Landesbibliothek Oberösterreich

207 
Mein Liab ghert in Kindäl, mein Herz und mein Löbn, 
gelt, Herrgott, i bitt di, dein Sögn tuast uns göbn!" 
Da Vadä, der junge, der dorten ä loahntH, 
sagt „Amen!" voll Freuden, hätt' eh liabä gwoant. 
Und 's Engäl, das stöllt si zän Büabäl nu gschwind: 
„Da bist wohl guat aufghobn, dös siach i, liabs Kind." 
2. Juni 1897. 
Oan Jahr um dös andä vägeht in sein Lauf, 
dös Guadö tracht weida, dös Schlecht hengt nöt auf. 
Für dö drobn in Himmel is's an Augnblickäl gar, 
für dö da herunten säns fünfafuchzg Jahr! 
Dös Büabäl is brav wordn und rechtschaffa und 
sein Engäl hat's ghüat bis zur heuntingä Stund. 
Er denkt si, mein Büabäl, den derf i schau traun, 
i mecht für mein Löbn gern in Himmel nachschaun. 
Mein Kindäl is graß wordn und is iatzt ä Mann, 
da kann i ganz leicht äf än Tag öbn dävan. 
Das Engäl huscht auffi, zän Himmeltor 'nein, 
u mein, wia toan d' Engäl sö ollösand gfreun. 
Gott Badä, der tuat, 's wann er härb wolltät werdn, 
er schmutzt awä doh und iatzt kannst 'n schau Hern: 
„A saubärnä Schutzgeist, was tuast denn herobn? 
Was rennst denn dävan, du, i kann di nöt lobn!" 
Das Engäl kniat niedä und bitt: „Liabä Herr, 
mein Pflögling, der braucht mi schier eh nimmämehr, 
er is ja ä Mann wordn, großmechti und frumm, 
is selbä ä Schutzgeist für d' Leut umädum, 
am richtingä Flöck hat er sicherli 's Herz, 
än iads tuat er treften in Kummä und Schmerz. 
Und wann wen wo d' Not druckt, nix z'essen, koan Gwand, 
glei fahrt er in Sack, druckt eahr gschwind was in d' Hand. 
Geht's lufti wo awä, gemüatlö in Ehrn, 
da kannst ä ganz fichä fein Stimm däbei Hern. 
Selm lufti und freundli, voll Kraft und voll Löbn, 
drum laßt er in Leuten eahr Lustigkeit öbn. 
*) Loahnt — lehnt.