gerät und fuerpueg so dartzue gehört. Item den anndern grossn kopff schaff ich zu
ainem hauswiert auf dem Weinperg zubeleibn und auf gesst guet leut zubehaltn. Item
ich schaff und will das kainer meiner sun sy thun irn weybern gemacht geschafft oder
nicht, nichts destmynder sullen sy ir wittib noch ir erbn von irn wegen kainerlay heil-
tum, es sey in dem gesloss zum Weinperg oder zu sannd Wolfganng zu Kefermarkht
gevasst oder ungevasst, vergoldts oder unvergolts nicht verkumern noch von kainer
kirchen geben noch körnen lassen, destgeleichen will ich das es zu Zelking im gesloss
und pharrkirchen daselbs auch allen meinen vogttey kirchen gehalten werden sol, dar-
durch der gotsdiennst gemert werde, das bey den kirchen und geslossen beleih, so dartzue
geordnt ist wenn ain wittib zu Zelking, das doch nicht ir will gewesen ist haben ir
freundt in irm namen sy argl kellich unnd heiltumb aus der kirchen in dem gesloss
genomen und weg gefuert, das ye ungotlich haist unnd stet noch also zuryssen. Item
ich wil auch das mein sun und besonnder der mit wesen hie zum Weinperg oder zu
Zelking sein wirdet kainerlay püchssen pullver saliter und zeug, so zu weer gehört, was
ich des hinder mein lass nicht gemyndert sunder durch inn mitsambt anndern seinen
bruedern von ainem auf den anndern soverr das von sun zu sun geraichen mag gemert
werde und dy geslosser bey weer beleibn. Item meiner eitern tochter jungkfrau Barbara
schaff ich in ein closter fünffhundert phund phennig, soverr sy ir will darin tregt, setz
ich ir haim, als sy dan menigmal an mir gefergelt hat in gegnburt meiner gemahel irer
steuffmueter, so sy aber weltlich beleibn will, sich mit ern ires geleichs verheyratn wurd,
das alles soll beschehen mit willen irer brueder und annder meiner nagstn freundt, so
schaff ich ir funfftzehennhundert phund phennig und dartzue zuferttigung vier hundert
phund phennig und halsgwandt, wenn sy hat woll ain Überschuss umb mich verdiennt,
nach dem sy dy jar auf ir hat zu heyratn oder in das closter dy sullen ir alstan ir
brueder der elter an der annder aller stat ausrichtn, damit sy sich im closter oder in
weltlich heyrat vertzeihen sol und so die bemelt mein tochter Barbara den geistlichen
stanndt an sich nymbt, so vertzeicht sy sich umb dy dritthalb hundert guidein unngrisch
und noch umb weniger umb zechenn phund phennig gelts leyb geding; alsdann mein
vatter saliger meiner swester im closter zu Wienn, die noch in leben ist dy abred tan
hett, daran sy ain genügn gehabt heten, mag sy auch dermassn wol erlanngen; damit
ich will ir dy ubermass gellt aus den bemeltn funff hundert phund phennig beleibn zu
zuepuess umb gewanndt und annder ir notturfft järlich zu pessern sich in irm stanndt
bey mettn und andern gotsdiennstn deststatlicher beleibn und dem gotsdiennst aus wartn
müg. Item ich will auch was ich mein junckhfraun und diennerin in mein und meiner
hausfraun fraunzymer auch meinem hofgesindt und diennern verordnen und schaffn wirde
will ich mit meiner selb hanndtgeschrifft aufschreybn, das schaff ich alles sovil krafft
zuhabn und ausgericht werde, als so es in dem versigeltn brief geschribn war, wenn es
wurd mit der geschrifft daraus ain lanngs zutzlberg, das selbig zaintzig ding mitsambt
dem begeenn, erstn, sübentn und dreyssigistn, was auf dy briester geen wirdet bey meiner
begrebnuss zu sand Wolfganng zu Kefermarkht sol mein dienner der Hainrice der das
trait gelt und diennst, so er von meinen wegen auf heuttigen tag eingenomen und noch
auf den tag so ich mit todt verganngn bin, inhalt seiner raittung ausstänndt einnemen,
sol mit wissen meines dienner Mathiasn Kyennast ausrichtn und betzalln, sol auch das
begeenn in der Freinstat mit dem erstn sübentn und dreyssigistn. Item ich will auch
das ain Sundersiechheusl zu Kefermarkht gemacht und gepaut sol werdn, als das in an-
fanngk mein will gewesen ist, darin sich ain sundersiech enthaltn müg, dem schaff ich
zu ewigen zeitn alle tag täglich zwen phennig und zway laybel prott im aus dem gesloss
Weinperg zu raichen in sein heussl zu ainburtn. Item ich schaff und will auch das mein
erbn mein leut, so ich inn hinder mein lass treulich bevolhen lassen sein und sy mit nichte
8
